البطولة: الرجا رجعو للصدارة برباح على الدشيرة
گود سبور//
رجعو الرجاء الرياضي لصدارة البطولة الاحترافية، بعدما ربحو اليوم الاحد أولمبيك الدشيرة فالتيران الكبير لأكادير ضمن الدورة 21 من البطولة الاحترافية.
وسالا الماتش بين الرجاء الرياضي وأولمبيك الدشيرة بنتيجة واحد لزيرو لمصلحة الرجا، وماركا الهدف د الرباح للخضرا الأردني محمد شرارة فالدقيقة 47.
الرجاء الرياضي بهذا الرباح خداو 3 نقاط مهمة، خدا بها الفريق صدارة البطولة الاحترافية وولى الرصيد ديالو 42 نقطة، وأولمبيك الدشيرة بقاو فالمركز 13 برصيد 18 نقطة.